Gabi gabi na lang nakatingin sa malayo
Hinihintay ang araw at ang dilim maglaho
Nangangarap habang hawak hawak ang iyong litrato
Kasi di kita madayo sa kabilang ibayo
Di tayo magkasama kasi dagat ang pagitan
Kaya hanggang sa telepono lang kayang maglambingan
Pero kahit na ganun di ko pagpapalit ang
Ating relasyon na iba sa karamihan
At habang nagtatagal ay lalong lumalalim
Ang aking pagmamahal kaya kahit layo natin
Ay magkabilang dulo ng mundo ay ayos sakin
Kasi walang kapantay ang saya na dala mo sakin
Kaya naadik umagahin, kahit na puyatin
At di na kumakain kasi sabik kang kausapin
Dala mo'y paro paro sa tiyan kaya parang busog na rin
Ikaw ang panaginip ko kaya parang tulog na rin
Buong pansin at atensyon sayo ko na nasentro
Sa matrabahong relasyon pag ibig mo ang sweldo
Kontrata habang buhay gusto ko! Yoko ng endo
Yokong maghanap ng buhay na di ka kasama sa kwento
Di ko to imbento na basta lyrics lang
Tong mga sinasabi ko kaya kong panindigan
Di na uso ang numero di na ako nagbibilang
Kasi seryoso na ako di lang ako naglilibang
Oo alam kong nagsimula tayo sa biruan
Kaya nung umpisa ako ay naging buang
Pero binalik mo ang nawala kong katinuan
At ang pagkatao na matagal kong tinalikuran
Anino ng aking nakaraan na nga ay naiwan
Mula nung ang ating pagmamahalan ay nasilang
Nagamot na ang takot ko ng ating mga lambingan
Kaya ang pusong malungkot ay natuto na ngang magdiwang
Ikaw ang dahilan kaya nagbalik ang ngiti
At dahilan ng pagkawala ng hapdi at hikbi
Nakadapa ako pero ikaw ang sakin nagtindig
At ikaw ang nagpawala ng mga dalahin ng dibdib
Naligaw ako pero ikaw ang sakin naghatid
Pabalik sa langit kaya ang damdamin naantig
Pinalambot mo sa init ang pusong bato na malamig
Kaya ang Zikk na pag iisip nakaya ko na madaig
Hanggang ang galit at pasakit ay tuluyang natanggal
Sa puso ko nung napuno mo to ng iyong pagmamahal
Kinalimutan ko na ang pagpapakahangal
Kasi nahanap ko na ang pangarap ko na katambal
Contessa ikaw yung nagmahal sakin when I was hopeless
You came into my life when I was at my lowest
Kaya handa kong talikuran ang lahat ng audience
Para harapin ka di bilang si Zikk pero bilang si Lawrence
