Verse 1:
Kumusta ka na tol? Sana ayos ka lang dyan
Kapit ka lang tol, malapit na rin ma-buksan
Yang pintuan na bakal na ikaw rin mismo nagsara
Pero saka na yan eto ang mga pangyayaring naganap
Yung tatay mo, ilang linggong umasa sa alak
di nya matanggap ang iyong landas na tinahak
muntik na ring maglaslas pero binitawan ang patalim
ikaw ay yayakapin pa rin sa araw ng iyong pagdating
Sya'y niligtas ng nanay mo, magpasalamat ka sa kanya
Pagkatapos ng ginawa mo wala syang galit na nadama
Pagusapan naman natin si kuya, sya'y dismayado talaga
Anumang respeto meron sya syo bigla nalang nawala
Wag ka mag-alala, maaayos rin yan panigurado
Tutal nanggaling din sya sa buhay ng pagiging gago
Sa madaling salita, buo pa rin naman ang pamilya
Nakahanda ang hapagkainan para sa muling pagsasama
Chorus (2x):
Sana pinagisipan mo muna bago mo ginawa
Kaya ngayon napupuno na ng luha ang iyong mata
Sinaktan mo pamilya mo, yan ang di mabuburang imahe
Pero mahal ka pa rin nila sa kabila ng nangyari
Verse 2:
Ano balita kay Caloy? sa ibang bansa na nagtatrabaho
panay ang kanyang reklamo sa suplado nyang amo
pero di pa rin umaalis, tutal mataas naman ang sweldo
madalas pagalitan pero natuto na daw makuntento
Si Berto? natupad na raw ang mga pangarap
nagbebenta ng bahay at lupa pero kupal pa rin bumanat
Ganun din hanap-buhay ni Ryan, di na sya nag-doktor
Lagi nyang pinagyayabang ang bagong kotse at motor
Tumino na si Joselito, malapit na syang ikasal
Napaka tagal na rin nung huling araw na sya'y nagwalwal
Pumunta naman tayo kay Jessica, wag ka sanang malungkot
Meron na syang asawa at kinalimutan ka na ng lubos
Ikaw sana ang pipiliin nya kaso nasangkot ka sa gulo
Sinubukan kong kausapin pero wala talagang kibo
Masaya naman sya, yun yung pinaka importante sa lahat
At binabasa nya pa rin naman yung niregalo mong aklat
Chorus (2x)
Sana pinagisipan mo muna bago mo ginawa
Kaya ngayon napupuno na ng luha ang iyong mata
Tumatambay pa rin ang tropa sayang at wala ka
Sagot nila pulang kabayo sa susunod na pagkikita
Verse 3:
Pareho tayong basagulero, di natin maitatanggi
Pero pinili nating magbago at panandaliang nagwagi
Nung ako'y nahirapan, isa lang ang iyong sinabi
Maikli lang ang buhay wag kong sayangin sa kalye
At nagsimula ka ng negosyo, napatalon ako sa tuwa
Dati puro away inaatupag ngayon nagpapakumbaba
Kaya nagulat ako bigla, nung ikaw ay napamura
Simpleng asaran lang sa inuman nauwi sa disgrasya
Nalulong ka pala sa bato, dun nawala ang halakhak
Dahil sa mababaw na rason, bigla kang nanaksak
Sino yung biktima... walang iba kundi ako
Nais ko lang sabihin sayo ngayon na tangina mo!
Habang nabubulok ka sa rehas, binubulungan kita
Hanggang sa kamatayan mo madarama ang aking sumpa
Maglalaho na parang bula, lahat ng iyong pagasa
Susundan ko bawat yapak mo kahit ikaw ay makalaya
Chorus (2x)
Sana pinagisipan mo muna bago mo ginawa
Kaya ngayon napupuno na ng luha ang iyong mata
Kalimutan mo man, patuloy akong magpaparamdam
Di ko hahayaan na matakasan mo ang nakaraan
