Nagbabalak ako pumunta sa malayo
Sino dyan gusto sumama kahit kwento lang yung baon
Sagot ko na yung alak, kotse, at pagkain
Hanapin natin ang magagandang tanawin
Sariwang hangin ang sarap lumipad sabay bagsak sa malalim
Na kulay asul na tubig paligid dyamante't maituturing na pag ibig
Ibang klase, may bakante pang isa baka sakali
May kasama kang iba mas masaya kapag madami
Bawal dito ang maarte so alam mo na kapag hindi kita sinali
I-enjoy natin ang byahe gusto mo tabi ka sakin para mas swabe
Sabi ko naman sayo nag-iisa lang to wala ka nang makikita na tulad ko
Laging bago sayong paningin mga ngiting kahit bituin kayang abutin
Tahimik lang malimit at hindi na pinipilit
Iniisip ang sarili maikli kasi ang pisi
Pano kung wala nang bukas ano ang mananatili
Kinapos tayo sa oras at bigla nalang tumigil
Papuntang buhanginan wala bang kape dyan
Para iterno saking pusong matagal nalamigan
Nakaraan nalampasan hindi pumayag na itigil
Kaya teka nasaan yung mga dating nagdududa eh ang daming paraan
Mga pasaning mabigat bitawan para gumaan
Basta ako kahit saan iisa lang papunta yan
Importante lagi ang byahe pati na karanasan
Malamang abutin tayong magdamag, ang sarap
Nagsimula lang nun sa usok hanggang eto lumiyab
Noon kapag nadadapa ay bumabangon rin agad
Simulan na magsipag palaging talo ang tamad
Hindi na namin kasalanan ang reyalidad
Dahil yung buhay mo inutang lang at di ka pa bayad
Oo di pa rin sikat, di gaano nakilala
Di bale na isang dekada na kong nagrarap
Nung umpisa medyo kabado, merong halo pang hiya
Hanggang umapak kung saan saang lugar at umangat
Nakatanggap pa ng respeto't palakpak sandamakmak
Man ang humamak ay matapang kong tinahak ang malawak na daan
Kahit sino pa ang humarang ay hindi na tinablan
Iba pa rin pag may alam sinagasaan ko nalang
Lahat ay galing sa wala kaya kailangan magtyaga
Isiping may mapapala at idaan mo sa gawa
Matagal ng nakakasa ngayon ipuputok nalang
Hindi naman to paunahan kaya dapat kalma lang
Mangarap ka nang mataas at sabay tayong lumipad
Pakita mo at ipamalas ang tinago mong lakas
Kaisipan at patunayan mong hindi ka rin duwag
Pero nasan na ba tayo
Parang layo sa syudad
Pakibuksan na nga yung alak, at pulutan ilabas
Sulitin natin ang lahat, bawasan negative na vibes
Napahaba na yung kwentuhan, baka tayo lumampas
Pero ayos lang rin minsan lumingon at umatras
Kaso lang tuloy na natin kasi sayang lang yung gas
Malapit lapit na tayo at natatanaw ko na
Kung gusto niyo baba pa nga 'ko at lakarin ko nalang
Ano ang unang gagawin, magtatalon lang sa tuwa
Baliktanaw sa alaala kung saan nagsimula
O baka ganun pa rin, parang normal lang at wala
At sa wakas ito na rin ang matagal kong hinintay
Sabay tunog din ng relo at panaginip lang lahat...
