Chorus:
Ang mga butas sa pader ay nakatingin
Mababang kisame ay nakikinig
Sementong sahig ay niyayanig ng mga tawa't pagluha
Di man umiikot, ito'y nalibot na
Dahil meron lamang apat na kanto itong mundong hugis parisukat
Verse 1 (Ron Henley):
Di mo ko kinikibo, tapik na ko nang tapik
Nagpadala ng puso, umaasang may bumalik
Sanay na nga ba yung sugat sa patak ng kalamansi?
Nung naiputan niya, sariwa pa rin sakin yung hapdi
Subukan ko kayang mangyurak ng damdamin
Wala rin, kunsensya ko naman yung uupak sa akin
Wala nang takas sa masamang lasa ng nicotine
Napa-praning na rin sa tuwing may babagsak na pigurin
Basag na yung katahimikan sa mundo kong nasa plato
Detalyado kong ginuhit ang sagrado na kwadrado
Kusang di ko na kailangan ng matataas na grado
May mga mata ng kuwago sa sulok ng bawat kanto
Marunong magpatawad pero di nakakalimot
Saksi ang guhit sa palad kung pano mo pinaikot
Sa mundo kong ito, di mo na ko mabibilog
Tiyak lulutang yung basurang itinapon mo sa ilog
Repeat chorus
Verse 2 (Loonie):
Mga makabagong aparato at teknolohiyang moderno
Kailangan kong magka-ganon ayokong mahuli sa kwento
Dala-dalawa na ang telepono, di pa rin kuntento
Puro lamang sarili trato at pasikat sa komento
Alam mo bang alam nila ang buong pangalan mo kumpleto
Araw ng kapanganakan, trabaho mo pati sweldo
Kasi trenta porsyentong rason kaya to inimbento
Para madali lang tayong matiktikan ng gobyerno
Kalayaan sa dayuhan ay pilit na pinaglaban
Para lamang maging alipin ng kahirapan
Parang salamangkerong pinapili ang nanonood
Kanan man o kaliwang kamay siya pa rin ang siyang nasusunod
Madalas tayong nauutakan ng ating napupusuan
Ngunit sa bawat pagbagsak ay may kapupulutan na mga aral
Na dapat maaga mong natututunan
Tulad ng di ka malaya, malawak lang ang kulungan
Repeat chorus
Bridge:
Wala na akong ibang mahihiling pa
Sa sulok ng mundong ito
Kapiling kita, o sinta
Bakit ba sa tuwing pinapalaya mo?
Labas pasok pa rin ako
Sa bilangguang nakasanayan ko
Woah
Verse 3:
(Ron Henley)
Gustong kumawala ng kamalayan di sanay na palaging gala
Maghapong kayod nang kayod para lang may gatang mapiga
Lansangang maraming daga, basa, maingay na talipapa
Kulang ata ang tamang salita upang maitama ang mga maling nagawa
(Loonie)
Sa sinasabi ng iba wag ka masyadong magbabalewala
Marami nang buhay ang nababalewala, napariwara
Kamatayan lang ang makakapagkalas ng mga tanikala
Makakatakas ka lamang sa parisukat
Kapag nakahiga ka na sa parihaba
Repeat chorus
