Chrous (2x):
Libre ang mangandoy pero usa nimo makuha
Bayran nimo'g kantidad's imong dugo og luha
Grabi ka lisud pero abi nimo'g dali
Grabi ka paet pero abi nimo'g lami
Verse 1:
Hapit nalang nimo gibaligya ang kalag
Kay sa mga pagsuway mura ka'g gibalibag
Ilawm sa kangit-ngit ani-a nahisaag
Wala na'y kahayag mo nang asa na ang tubag
Di malikayang sawayon ra ka sa uban
Pero wa sila kahibaw's imong naagi-an
Nagtuo ra ka og sayon pero dili na in-ani
Kinahanglang motanom para duna kay maani
Ang panaho'g kahigayunan wa sa imong habig
Mo nang dunay higayon nga mawagtangan ka'g pagsalig
Sa tanang kahago wa gihapo'y nahitabo
Na'y mga adlaw nga malumos ka's imong kasubo
Tunga sa awa-aw nangita ka'g matapik
Pero dili na ka pwede'ng molingon pa pabalik
Abi na nimo'g mura ka'g gikalimtan sa Ginoo
Diha na masuwayan ang kalig-on sa pagtuo
Repeat chorus
Verse 2:
Di tanang maayo sikat, di tanang sikat maayo
Tungod dunggan ra'y nag-abli pero utok kay sirado
Sa imong panghuna-huna daghang di makasabot
Kay mas daghan ang mga tawo nga mabaw ra'g panabot
Ang awit nga dunay tumong walay dag-anan
kay sagad nila kay nagita ra'g kataw-anan
Bungol ang mga dunggan nga gusto ra og lingaw-lingaw
Wala'y mo-abiba og kung puro bogo ang naminaw
Sala ba gyud nako kung pukawon tika
Gusto ra nako nga ikaw kay makamata
Angay ba nimo'ng ipugos nga sila nimo maganahan
Kung ang imong gusto sukwahi sa gusto's kadaghanan
Dako'ng baligho kung diin dako na kag kaalam
Diha ra ka mahibaw nga gamay ra ka'g nahibaw-an
Sa kalibutan nga ang may alamag mo'y gisumpa
Og ang mga way alamag mo'y tarong og huna-huna
Repeat chorus (4x)
