Chorus:
Nalimutan mo na ba
Ang lahat ng nangyari
Nalimutan mo na ba
Ang kwento ng kalye
Nalimutan mo na ba
Ang lahat ng sinabi
Nalimutan mo na ba
Ang kwento ng kalye
Verse 1:
Iba’t ibang tao, iba’t ibang araw
Ang aking nakikita at siyang nakakaulayaw
Simula sa pagsikat hanggang sa pagpanaw ng liwanag
At hanggang sa muli pa niyang pagdalaw
Sari sari ang mga naglalakbay at dumaraan
Kahit na ika’y nakasakay o kapapara lang
Para lang bulong ng hangin na tuloy tuloy
Mabaho man o mabango palagi mong maaamoy
Usad na di palangoy tawa man o panaghoy
Lahat tayo’y mababasa o mapapaso sa apoy
Dahil ako ang siyang daan kahit buo kong
Pangalan ay kinatatamarang
Sambiting madiin, marating, tawirin, tiisin
Kung ayaw mo sakin sige piliin kung alin
Naaalala mo ba ang mga storya ng kalsada
Pihitin pabalik ang pahina ng kabanata
Chorus:
Nalimutan mo na ba
Kung ilan ang sumali
Nalimutan mo na ba
Ang kwento ng kalye
Nalimutan mo na ba
Ang lahat ng nangyari
Nalimutan mo na ba
Ang kwento ng kalye
Verse 2:
Aling Celia ang pangalan
Lumuwas papuntang Quiapo
Sumakay ng bus sa may Cubao nang may dumapo
Daw na paro paro sa balikat yun ang akala
Inipong pera’y nawala kasama ng pitaka
Siya si Melody pauwi na galing pang Estrella
Inabot ng hating gabi proyekto sa eskwela
Kailangang tumawid sa eskinita sa Manuela
Sa kasamaang palad di na nakita ang dalaga
Madilim kasuluksulukan sa may Boni
Di na nagugutom ang batang lansangan na si Rolly
Pero di siya nabusog sa tinapay o pansit
Manhid lamang dahil sumisinghot siya ng pandikit
Napiit kahit na di ito selda sa bilibid
Araw araw napakaraming tao ang naiipit
Yan lamang ang ilan sa mga storya ng kalsada
Pihitin pabalik ang pahina ng kabanata
Chorus:
Nalimutan mo na ba
Ang lahat nang nangyari
Nalimutan mo na ba
Ang kwento ng kalye
Nalimutan mo na ba
Ang lahat ng sinabi
Nalimutan mo na ba
Ang kwento ng kalye
Verse 3:
Galit reklamo angal asar
Init pahid pawis dasal
Tila di marating ang tinatanaw na lugar
Napakabagal ng pag usad parang lakad sa kasal
Pero minsan ang daan na ito’y nagsilbing
Kasagutan sa milyong milyong hinihinging hiling
Malakas na narinig bulong na nakakabinging
Hinaing na gumising sa ginigising na gising
Pinatunayan sa mundo na totoo ang pagkakaisa at
Mas makapangyarihan ang awa’t malasakit sa
Kapwa laban sa baril o kahit na tangke
At tapang na katulad na pinagsama samang kape
Ang kadilima'y napukaw ng bulaklak na sandata
Dahil mas tumatagos ang pagmamahal kesa bala
Pihitin pabalik ang pahina ng kabanata
At huwag mong kalimutan ang storya ng kalsada
Chorus:
Nalimutan mo na ba
Ang lahat ng sinabi
Nalimutan mo na ba
Ang kwento, ang kwento ng kalye
Nalimutan mo na ba
Kung ilan ang sumali
Nalimutan mo na ba
Ang kwento ng kalye
Nalimutan mo na ba
Ang tunay na mensahe
Nalimutan mo na ba
Ang kwento ng kalye
