Verse 1 (RKteQ):
Sinko ra ang kwarta pero gusto nga maghumba
Gusto nga madato pero sige lang og higda
Traysikad driver dunay cellphone nga touch screen
Bahala’g way sud-an basta naa la’y pang Ice Cream
May ni-abante og nidagan pabalik
May mga pobreng gastador og mga datu nga tihik
Panagsa ra nga mosimba apan wa magpakahilas
Apan may relihiyuso nga gikilaw ang balikas
Mga tawo nga nagpakabuhhi sa kada-ot
Apan dunay mga pungkol nga karon kay naningkamot
Mga desperadong di na gudto pang mobangon
Apan dunay bakul nga nibarug’s kaugalingon
Ako nahimuot sa mga bag-ong kabataan
Matumanon sa uyab masupako’s ginikanan
Angay untang mahitabo mao’y kabalihan
Apan nahitabo karon mao ang kabalighuan
Chorus:
Mga panghitao ning atong kalibutan adunay kabalihan
Apan nahitabo mao ang kabalighuan
Hinaot nga unta nga mapanaminan nato ang matag usa
Ayaw pag pakabuta, ibuka ang imong mga mata
Sa kamatuoran
Verse 2 (Aelekz):
Usahay ang sakto kay kuwangan na
Kung mobuhat kag maayo nasayop na ka
Mao na ang makit-an sa mata’ng wala’y panglantaw
Nakakita sila pero wala gatan-aw
Gatagbaw sa ilang mga gipamati
Magpakita ka’g maayo pangitaan kag bati
Buhaton ang tanan pamahalaay na kuno
Manghangyo kung balibaran masuko
Na’y maayong tambag dili lang panumbalingon
Gugma gihatag’s uban wan-ay para’s kaugalingon
Tag-iya kag usa apan duha-duhaan pa
Unya dili ka sigurado kung ikaw ra ba iya
Nasakitan unya wa na mauli-an
Gihatag ang tanan maong wala nasuklian
Angay untang mahitabo mao’y kabalihan
Apan nahitabo karon mao ang kabalighuan
Repeat chorus
Verse 3 (RKteQ):
Trabahante ang naghago, negosyante ang nadatu
Mao ni’y matang sa kamatuoran nga di matago
Nangawat og gamayng kantidad og nakulatahan
May binilyon ang kinawat nga de aircon ang presuhan
Tinuod nga hustisya murag dili sigurado
Kay giluto sa husgado, sabutahe’s abogado
Mga argumentong mokatol’s imong pahak
Ang bakak mao’y tinuod ang tinuod mo’y bakak
Dunay simpleng tawo nga mituman sa balaod
Apan may magbabalaod nga nisupak sa balaod
Mga edukado nga skwater og batasan
Apan may ligdong nga tawo bisag grade 1 ra’y naabtan
Usa ka linya nga motapos sa sinugdanan
Og ang sinugdanan nga magsugod sa katapusan
Angay untang mahitabo mao’y kabalihan
Apan nahitabo karon mao ang kabalighu-an
Repeat chorus
